SAFARI YA BAGAMOYO YAFANA

Tarehe 14/11/2013 ilikuwa ni historia kwa wanachama wa chawakama pamoja na Waraibu wa lugha ya kiswahili.Ilikuwa ni siku adhimu baada ya kufanya ziara katika maeneo mbalimbali ya mji wa bagamoyo kutoka Chuo kikuu cha Waislamu Morogoro.Jumla ya watu waliojumuika katika safari ile walikuwa ni 105 wakiwemo wakufunzi na viongozi wa Tawi na Afrika Mashariki.Safari ilianza saa 1:00 asubuhi, tukipita maeneo tofauti tofauti kama Chalinze,Msoga,Mboga na vijiji vingine vya mkoa wa Pwani.Saa 11:15 asubuhi gari liliingia katika mji wa Bagamoyo Moja kwa moja safari yetu ilianzia katika Taasisi ya sanaa Bagamoyo.Tulipowasili wenyeji wetu walitukaribisha na mara baada ya taratibu za kiuongozi kukamilika tulianza kuzuru katika maeneo tofauti tofauti katika Taasisi hiyo.Kwanza tulianza kutembelea katika eneo la sanaa za mikono ikiwemo uchoraji na ufinyanzi.Hapo tulijifunza mambo kadhaa yanayohusiana na hii fani.Baada ya hapo tuliekea katika kitengo cha sanaa za maeonesho kitengo cha uandaaji wa majukwaa.Hapo tulipata maelezo mengi yanayohusiana na uandaaji wa majukwaa katika hii michezo ya kuigizo.Tulipomaliza wenyeji walitukaribisha katika ukumbi wa mikutano ambapo mkufunzi wa Chuo hicho Mzee Abdurahmani(Maaalim Bulla) alitupa maelezo mafupi juu ya uandaji wa tamthiliya.Saa 15:00mchana tulimaliza na wanachama kupata chakula.Mapumziko mafupi yalifuata kisha kuanza safari ya kwenda kwenye magofu ya kaole.Hapo tulijifunza mambo mengi ya kuvutia na kustaajabisha.Safari haikuishia hapo bali wanachama walikwenda Kaole Crocodile Ranch kujionea mamba wa kufuga.Hatma za Matembezi ndani ya Bagamoyo yalikuwa ndani ya soko la samaki.Wanachama walipata kununua samaki mbalimbali wanaopatikana ndani ya Bahari ya Hindi.Saa moja kamili usiku safari ya kurejea Morogoro ilianza na saa nne ya usiku tuikuwa tumefika Morogoro tukiwa tumechoka lakini wenye furaha tele na kila aliyeenda alibaki kusimulia mazuri aliyojionea.Hizi ni juhudi za Viongozi,mlezi na Wanachama kwa ujumla katika kuhakikisha vizuri tunavienzi na kuvithamini haswa utamaduni wetu Waswahili na kiswahili kwa ujumla.Tumshukuru Mwenyeezi Mungu kwa kutupeleka salama na kuturudisha salama.

KISWAHILI HAZINA YA AFRIKA KWA MAENDELEO ENDELEVU.

Hapa msafaya ulikutana na foleni

mmmh!

Wanachama walipata kupata upepo wa bahari

Hapa Mkufunzi akitoa maelekezo kuhusu sanaa ya uchoraji

Wanachama wakisikiliza kwa makini

Hapa wakipokea mafunzo kuhusu uandaaji wa jukwaa

Moja ya majukwaa ya kuigizia

Sehemu ya jukwaa kubwa tasuba

moja ya sanamu lililotengezwa kwa sementi

Mwenyekiti akitoa maelezo mafupi ya msafara kwa wenyeji

Maalim Bulla akitupa somo kuhusu tamthiliya

NDANI YA MAGOFU YA KAOLE

Hapa tukitazama Mamba

wanachama wakiingia ndani ya soko la samaki

KATIBU MWENEZI WA CHAWAKAMA TAWI LA MUM NDUGU MOHAMED ALFAN

TAARIFA YA ZIARA YA KIMASOMO BAGAMOYO

Chama cha wanafunzi wa kiswahili Afrika mashariki tawi la Chuo kikuu cha Morogoro kinapenda kuwatangazia wanachama wake kuwa tarehe 14/11/2013 kutakuwa na ziara yakimasomo katika mji wa Bagamoyo.Maeneo tunayotarajia kutembelea;

• Chuo cha sanaa Bagamoyo
• Ngome Kongwe
• Magofu ya kaole
• Kaburi la Wapendanao
• Kisima na bandari kongwe
• kisima cha mamba

Gharama za nauli ni shilingi 20000/=hii inajumuisha na ada ya kiingilio katika maeneo yote ya kihistoria.Chakula unajitegemea.
                              

MKUTANO WA WANAFUNZI WA KISWAHILI NA VIONGOZI WA CHAWAKAMA TAWI

Mkutano huo ulifanyika tarehe  4/11/2013 siku ya Jumatatu, katika ukumbi mpya wa mikutano uliopo chuoni hapo. Mkutano huo ulihusisha Wanafunzi wote wasomao Kiswahili kuanzia Mwaka wa Kwanza, wa Pili na mwaka waTatu, ulijikita zaidi katika kuzungumzia masuala mbalimbali ikiwa pamoja na:  namna ya kujiunga na chama, faida ya kuwa mwanachama, taarifa kuhusiana na Makongamano mbalimbali yanayotaraji kufanyika ndani na nje ya nchi, sambamba na mikakati na mipango mbalimbali ya kukiendeleza chama.

Baadhi ya wanachama waliohudhuria katika Mkutano huo.

Baadhi ya viongozi wa Tawi wakiongozwa na Mwalimu Mlezi Bwana Hamad Abdallah, Mwenyekiti wa Tawi ndugu Adam Matimbwa, Katibu mkuu wa A.Mashariki ndugu Ahmad Jumbe, Katibu wa Tawi ndugu Abdallah Kiula na Katibu mwenezi wa Tawi ndugu Mohamed Khalfani

Wajumbe ambao ni Wanafunzi wanaosoma Kiswahili chuoni hapo, wakifuatilia kwa makini mkutano huo.

Viongozi wa Chawakama Tawi.

Wajumbe wa Mkutano huo

Wajumbe wa Mkutano huo wakifuatilia kwa makini Mkutano huo

BAADHI YA VIONGOZI WA CHAWAKAMA TAWI LA MUM

 Mwenyekiti, Ndugu  Adam Matimbwa

 Katibu wa Afrika Mashariki Bw Ahmad Jumbe

 Wajumbe

Katibu, Ndugu Abdallah Kiula

 Katibu mwenezi, Ndugu Mohammed Halfan

 Mlezi wa Chama, Ndugu Hamad Abdallah